UNINETT hostmaster kan opptre som Norid-registrar for sine kundar, og tilbyr òg slave-namneteneste til desse. Som registrar kan vi mellom anna formidle søknadar om domenenamn direkte under .no og oppdatering av registrert informasjon i Norid-databasen.
Kontaktadresse hos UNINETT for alle DNS-relaterte spørsmål i denne samanhengen er hostmaster@uninett.no.
UNINETT sine medlem har normalt minst eitt domenenamn med UNINETT hostmaster som registrar. Kostnadane for dette er inkludert i tenesteavgifta. For domenenamn ot over dette vil UNINETT uavhengig av talet ta kr. 4000,- første år og kr 1000,- årleg for denne tilleggstenesta.
Skjema for eigenerklæring finst på http://www.norid.no/vedlegg-g.html. Signert eigenerklæring skal sendast til Hostmaster, UNINETT, NO-7465 Trondheim. Søknadar sendast til hostmaster@uninett.no, og skal innehalde:
Kontaktpersoninformasjon skal vere på formatet:
First Name.................: Alf Last Name..................: Hansen Post Address...............: UNINETT FAS Post Address...............: Abels gate 5 - Teknobyen Postal Code................: NO-7465 Postal Area................: Trondheim Country....................: Norway Phone Number...............: +47 73 55 79 40 Fax Number.................: +47 73 55 79 01 Email Address..............: alf.hansen@uninett.no
Registert kontaktinformasjon finst på http://www.norid.no/whois/
Det er mogleg for ein organisasjon å ha opp til 20 domenenamn. Domenenamn kan innehalde 2 til 63 teikn frå følgjande kategoriar: tal, bindestrek og små bokstavar frå dei offisielle norske skriftspråka (bokmål, nynorsk, nordsamisk, lulesamisk og sørsamisk). Ut over denne tekniske avgrensinga kan dei fleste namn registrerast, med mindre dei alt er registrerte eller reserverte, eller krenkjer andre sine rettar til namnet.
Regelverket for domenenamn i Noreg finst i si heilskap på http://www.norid.no/navnepolitikk.html
Ein må vere registrert i Brønnøysundregistra med foretaksnummer for å kunne få domenenamn. Prosjekt og lignande kan derfor framleis ikkje registrere eigne domenenamn, men domenenamn for prosjekt kan registrerast av moderorganisasjonen som ein del av kvoten på 20 namn.
Alle som søker om domenenamn må sende inn ei signert eigenerklæring saman med søknaden. I eigenerklæringa står det blant anna at søkaren etter kva han kjenn til ikkje bryt med andres rett til det namnet det søkes om. Ver merksam på at retten til namn er eit stridsområde der det kan løne seg å undersøke fakta før ein skriv under ein eigenerklæring. Det er norsk lov som gjeld for namnerett i Norge. Alle søknader må sendes inn via ein registrar, det er ikkje høve til å registrere namn direkte hos NORID.
Sjølv om alle bokstavar frå dei offisielle norske skriftspråka bokmål, nynorsk, nordsamisk, lulesamisk og sørsamisk no kan brukast i domenenamn direkte under .no er det framleis ikkje problemfritt å bruke dei. Mykje eksisterande programvare skjønar ikkje desse teikna, og kan vise namn med slike teikn i uleseleg format, hevde at dei ikke er registrert, eller oppføre seg på utilsikta vis (typisk å avbryte og gje ei feilmelding). At dei som ikkje kan språket teikna er henta frå har vanskar med å kjenna dei att har ein kanskje teke høgde for når ein vel eit slikt namn, men ein bør òg tenkje på at det kan vere svært vanskeleg for ein som skjønar teikna å taste dei inn til dømes på ein internettkafé i utlandet. Vi tilrår difor å bruke domenenamn med bokstavar utanom a-z i parallell med eit ekvivalent namn utan.
Norid har meir informasjon om emnet på sine sider om domenenamn med nasjonale teikn
UNINETT er registrar for sine medlemsinstitusjonar, og berre for desse. Alle andre må ta kontakt med ein av dei andre registrarane som NORID har avtale med.
Registraren gjev hjelp til endring av domenenamn eller registrering av domenenamn.
| hostmaster@uninett.no | 2004-12-20 |